शेतकरी मित्रांनो नमस्कार, कृषि डॉक्टर (krushi doctor) या शेती निगडीत माहिती देणाऱ्या मराठी वेबसाइट वरती तुमचे स्वागत आहे. आज आपण या ठिकाणी सोयाबीन लागवडीसाठी, खास करून महाराष्ट्रासाठी टॉप 5 सोयाबीन जातींची (best soybean variety) माहिती पाहणार आहोत. या लेखामुळे तुम्हाला यंदा कोणते सोयाबीन लावावे, यासाठी मदत मिळेल. सोबतच मी तुम्हाला बोनस टिप्स म्हणून सोयाबीन पेरणीसाठी योग्य बीज मात्रा, पेरणी कालावधी आणि पेरणी अंतर देखील सांगणार आहे. त्यामुळे माझी तुम्हाला विनंती आहे की हा लेख पूर्ण वाचा आणि माहिती आवडली तर हा लेख तुमच्या इतर शेतकरी ग्रुप मध्ये शेयर नक्की करा.

मित्रांनो तुम्हाला तर माहीतच आहे की – सोयाबीन हे एक महत्वाचे तेलबिया पिक आहे. ज्यामुळे त्याचा वापर जगभरात प्रसिद्ध आहे. सोयाबीनमध्ये ४०% प्रथिने आणि १९% खाद्यतेल असताना, हे एक महत्वाचे पिक म्हणून गणले जाते. सोयाबीन तेलाचा वापर जागतिक स्तरावर अत्यंत महत्त्वाचा आहे, ज्यामुळे त्याची मागनी वाढत आहे. एकूण तेल उत्पादनात, जवळजवळ ५८% भाग सोयाबीन तेलाचा आहे. एकूण प्रथिने उत्पादणापैकी, जळजवळ ६० टक्के प्रथिने सोयाबीनमधून उत्पादित केले जातात.

Best soybean variety in maharashtra | बेस्ट सोयाबीन सुधारित वाण –

नंबर	वाणाचे नाव	वैशिष्टे
1	KDS-726 (फुले संगम)	प्रसारित वर्ष – 2016  कालावधी – 100 ते 105 दिवस ( जवळपास 3 महीने 15 दिवस )  उत्पादन – 10-15 क्विंटल/ एकर  गुणधर्म – तांबेरा, जीवाणूजन्य ठिपके या रोगासाठी प्रतिकारक क्षमता उत्तम, दाण्याचा आकार मोठा आणि अधिक फुटवा.
2	KDS 753 (फुले किमया)	प्रसारित वर्ष – 2017  कालावधी – 90-100 दिवस उत्पादन – 10-12 क्विंटल/ एकर  गुणधर्म – तांबेरा, जीवाणूजन्य ठिपके या रोगासाठी प्रतिकारक क्षमता उत्तम, दाण्याचा आकार मोठा आणि अधिक फुटवा.
3	KDS- 344 (फुले अग्रणी)	प्रसारित वर्ष – 2013 कालावधी – 100-105 दिवस उत्पादन – 8-10 क्विंटल/ एकर  गुणधर्म – तांबेरा रोगांविरुद्ध प्रतिकारक
4	AMS- 1001 (पी के व्ही येलो गोल्ड)	प्रसारित वर्ष – 2018 कालावधी – 95-100 दिवस उत्पादन – 10-15 क्विंटल/एकर  गुणधर्म – मूळकूज / खोडकूज ,येलो मोझॅक,चक्री भुंगा, खोडमाशी प्रतिकारक
5	AMS-MB 5 -18 ( सुवर्ण सोया)	प्रसारित वर्ष – 2019 कालावधी – 95-100 दिवस उत्पादन – 10-15 क्विंटल/एकर गुणधर्म – मूळकूज / खोडकूज अति प्रतिकारक अणि पानांवरील बुरशी ,येलो मोझॅक,चक्री भुंगा, खोडमाशीसाठी मध्यम प्रतिकारक

Soybean sowing time | सोयाबीन पेरणी कालावधी –

सोयाबीची पेरणी १५ जून ते जुलैच्या पहिल्या आठवड्यात करावी पहिल्या आठवड्या नंतर पेरणी केल्यास उत्पादनात घट येते.

Soybean seed rate per acre | सोयबीन एकरी बीज मात्रा –

सोयाबीनचे पेरणीसाठी 30- 35 किलो/ एकरी बियाणे लागते ठोकणं पध्द्त असल्यास – 15 -20 किलो अणि पेरणी उशीरा म्हणजे 15 जुलैच्या पुढे असेल तर 20-25% अधिक बियाणे वापरावे.

Conclusion | सारांश –

मित्रांनो आशा करतो की कृषि डॉक्टर (krushi doctor) वेबसाइट वरील आजच्या लेखामध्ये दिलेली माहिती तुम्हाला समजली आहे आणि त्याचा तुम्हाला यंदाच्या हंगामात फायदा नक्की होईल. सोयाबीन पिकाबद्दल अधिक माहिती जाणून घेण्यासाठी आमच्या कृषि डॉक्टर यूट्यूब चॅनल ला नक्की भेट द्या. धन्यवाद …🙏

People also read | हे लेख देखील नक्की वाचा –

1. dodka seeds: मार्केट मधील टॉप 5 दोडका बियाणे
2. karle seeds: मार्केट मधील टॉप 5 कारले बियाणे
3. papaya seeds: मार्केट मधील टॉप 5 पपई बियाणे
4. drip cleaning: ठिबक सिंचन संचाची काळजी व देखभाल
5. kanda pik: दुभाळका किंवा जोड कांदा होण्यामागची कारणे व उपाय

FAQs | सतत विचारले जाणारे प्रश्न –

1. सर्वोत्तम उत्पादन देणारे सोयाबीन कोणते?
उत्तर – सोयाबीन पिकामध्ये चांगले उत्पादन घेण्यासाठी तुम्ही पुढील वाणांची निवड करू शकता – KDS-726 (फुले संगम), KDS 753 (फुले किमया), KDS- 344 (फुले अग्रणी), AMS- 1001 (पी के व्ही येलो गोल्ड) आणि AMS-MB 5 -18 ( सुवर्ण सोया).

2. सोयाबीनसाठी सर्वोत्तम खत कोणते?
उत्तर – सोयबीन पेरणी करताना तुम्ही 10:26:26, 12:32:16, 20:20:0:13, 18:46:0 किंवा 24:24:0 यांचा वापर करू शकता.

3. 2024 मध्ये सोयाबीनचा भाव किती असेल?
उत्तर – मित्रांनो, या प्रश्नाचे उत्तर हे पूर्णता मार्केट वरती अवलंबून आहे. परंतु माझे व्यक्तिगत मत आहे की 2024 मध्ये सोयाबीनचा भाव हा 10 हजार रुपये / क्विंटल इतका असेल.

4. सोयाबीनवर औषध कधी फवारावे?
उत्तर – मित्रांनो, सोयाबीन पिकाच्या अवस्थेनुसार तुम्ही पीक संवरक्षण आणि पीक वाढीसाठी फवारणी नियोजन करू शकता. सोयाबीन पिकाच्या काही महत्त्वाच्या अवस्था जिथे आपल्याला फवारणी घेणे गरजेचे आहे – फुटवा, फुलोरा, शेंगा आणि पक्वता अवस्था.

5. सोयाबीन पीकामध्ये फवारणीसाठी सर्वोत्तम औषध कोणते आहे?
उत्तर – मार्केट मध्ये भरपूर साऱ्या कंपन्या आहेत, ज्यांचे औषध तुम्ही वापरू शकता. कंपन्या जशा की – बायर, Syngenta, fmc, धानुका, अदामा तसेच इंडोफील.

Author | लेखक –

सूर्यकांत कांबळे
मू. पो – इर्ले, तालुका – बार्शी, जिल्हा – सोलापूर.
राज्य – महाराष्ट्र. पिन – 413412