शेतकरी मित्रांनो नमस्कार, Krushi Doctor वेबसाइट वरती आपल्या सर्वांचे पुनः एकदा स्वागत करतो. मित्रांनो आजच्या लेखामध्ये आपण कापूस पिकाबद्दल “rasi 659 cotton seed” या ठिकाणी माहिती जाणून घेणार आहोत. खरीप हंगाम अवघ्या काही दिवसांमध्ये चालू होत आहे आणि खरीप हंगाम म्हणलं की महाराष्ट्रामधील विदर्भ असेल, मराठवाडा असेल, पश्चिम महाराष्ट्र असेल या भागातील प्रमुख पीक म्हणून कापूस पिकाकडे पाहिले जातं. भारतामध्ये कापूस पिकाला आपण पांढरे सोने देखील म्हणतो. भारतामध्ये नव्हे तर भारताबाहेर देखील म्हणजे जागतिक पातळीवरती कापूस पिकाला आता अनन्यसाधारण महत्त्व निर्माण झालेला आहे. शेतकरी मित्रांनो ज्यावेळेस आपण कापूस पिकाच्या पिकाबद्दल, लागवडीबद्दल चर्चा करत असतो,त्यावेळेस सर्वात अगोदर आपल्या मनामध्ये प्रश्न येतो तो म्हणजे की, यंदाच्या हंगामामध्ये कापूस पिकात कोणती वाण आपण लावायचं. म्हणजेच कापूस पिकाची कोणती व्हरायटी आपण लावली पाहिजे.

आजच्या लेखामध्ये आपण याच प्रश्नाचे उत्तर सविस्तर मध्ये जाणून घेणार आहोत म्हणजेच काय तर मी तुम्हाला कापूस पिकाचे या ठिकाणी मयूर हायब्रीड सिड्स च्या राशी 659 या सुधारित वाणाबदल माहिती सांगणार आहेत की, या जाती तुमच्या अधिक फायदेशीर राहतील तसेच हे वाण रोगांना कमी प्रमाणात बळी पडणार आहेत. त्यांच्या उगवणीसाठी त्यांच्या वाढीसाठी तुम्हाला उत्पादन खर्च देखील कमी येणार आहे तसेच तुम्हाला उत्पादन आणि उत्पन्न देखील चांगले मिळणार आहे.

राशी 659 (rasi 659 cotton seed) साठी आवश्यक जमीन –

कपाशीचे पीक सुमारे सहा महिने शेतात राहत असल्यामुळे योग्य जमिनीची निवड अत्यंत महत्त्वाची असते. कपाशी लागवडीसाठी काळी, मध्यम ते खोल (९० सें.मी) व पाण्याचा चांगला निचरा होणारी जमिन निवडावी. उथळ, हलक्या क्षारयुक्त आणि पानथळ जमिनीत कपाशीची लागवड करण्याचे टाळावे. अन्नद्रव्याची उपलब्धता व जमिनीचा सामू याचा परस्पर संबंध असल्याने जमिनीचा सामू साधारणत: ६ ते ८.५ पर्यत असावा.

Rasi 659 (rasi 659 cotton seed) वाणासाठी लागणारे हवामान-

मित्रांनो कापसासाठी हे कोरडे हवामान खूप मोठ्या प्रमाणावर आवश्यक असते. कापूस हे पीक उगवण्यासाठी 18 ते 22 सेल्सिअस पर्यंत तापमान आवश्यक असते. तसेच कापसाच्या वाढीसाठी 24 ते 32 सेल्सिअस पर्यंत तापमान आवश्यक असते. उष्ण दिवस आणि थंड रात्र हे कापसाचे बोंडे भरण्यासाठी खूप महत्त्वपूर्ण आणि आवश्यक असते.

राशी 659 (rasi cotton seeds 659) या वाणाची ठळक वैशिष्ट्ये –

1. राशी 659 हे मयूर हायब्रीड सीड्स या कंपनीचे लवकरात लवकर येणारे वाण आहे.
2. साधारणता या वाणाला परिपक्व होण्यासाठी 145 ते 155 दिवसांचा कालावधी लागतो.
3. राशी 659 ही लवकर येणारी व्हरायटी आहे.
4. हे वाण मुख्यत्वे मे ते जून या दोन महिन्यांच्या कालावधीत पेरले जाते.
5 हे वाण लावण्यासाठी टोबणे या पद्धतीचा वापर केला जातो.
6. राशी 659 या वाणाची उंची 150 ते 160 सेंटीमीटर झाड उंच होते.
7. या वाणाच्या बोंडांचे वजन पाच ते साडेपाच ग्रॅम भरते.
8. राशी 659 या वाणामध्ये पाण्याचा ताण सहन करण्याची क्षमता जास्त आहे आणि जास्त पाऊस झाला तरीही जास्त नुकसान होत नाही.
9. या वाणामध्ये रस शोषक किडींचा प्रादुर्भाव खूप कमी प्रमाणावर होतो.
10. तसेच हे वाण लाल्या रोगाविरुद्ध बनशील आहे.
11. राशी 659 या वाणाच्या बोंडांचा आकार मोठा असल्याने हे वाण शेतकऱ्यांच्या पसंतीस पडले आहे.
12. बोंडांचा आकार मोठा असल्यामुळे शेतकऱ्यांच्या उत्पादनात वाढ होते.
13. राशी 659 या वाणाला पाच पाकळ्या असणारे बोंडे लागतात.
14. त्यामुळे सरकी ची संख्या जास्त भेटते आणि उत्पादनात वाढ होते.

rasi 659 साठी पेरणीचे अंतर –

राशी 659 वाणासाठी दोन ओळींमधील अंतर चार फूट ठेवावे आणि दोन रोपांमधील अंतर दीड फूट असावे.

कापूस पिकामध्ये (rasi 659) संजिवकाचा वापर-

1. कपाशीला लागणारे पात्या, फुले, बोंडे यांची कीड, रोग व हवामानातील बदलामुळे मोठ्या प्रमाणात गळ होते व त्यामुळे उत्पादनात घट येते.
2. नैसर्गिक कारणांमुळे होणारी पात्या, फुले, बोंडे यांची गळ कमी करण्यासाठी नॅप्थॅलिन ऍसिटिक ऍसिड (प्लॅनोफिक्स) या संजीवकाची हेक्टरी १०० मि.ली व ५०० लिटर पाणी या प्रमाणात मिसळून पात्या लागल्या असतील तेव्हा पहिली फवारणी करावी.
3. दुसरी फवारणी त्यानंतर १५ ते २० दिवसांनी करावी. यामुळे उत्पादनात १० टक्के वाढ होते.

rasi 659 चे खत व्यवस्थापन कसे करावे?

1. कापूस लागवड च्या वेळेस 100 किलो नत्र, 50 किलो स्फुरद आणि 50 किलो पालाश वापरावे. तसेच सुधारित वाणांसाठी हे प्रमाण 50 किलो नत्र, 50 किलो स्फुरद आणि 50 किलो पालाश इतके ठेवावे.
2. राशी 659 या वाणाच्या भरघोस उत्पादनासाठी पेरणी बरोबर आपण 10: 26 :26 आणि 12 :32 :16 प्रति एकरी एक बॅग दिली पाहिजे.
3. लागवडीपासून विद्राव्य खतांच्या फवारण्या करणे गरजेचे आहे.
4. वाढीच्या अवस्थेमध्ये NPK 19:19:19 100 ग्रॅम+मायक्रोन्यूट्रिएंट 50 मिली प्रती 15 लिटर एक महिन्यानंतर फवारणी करणे गरजेचे आहे.
5. फुल लागण्याच्या अवस्थेमध्ये 12:61:00 100 ग्रॅम+मायक्रो न्यूट्रिएंट 50 ग्रॅम प्रति 15 लिटर प्रमाणे फवारणी करावी.
6. बोंडाची साईज वाढवण्यासाठी 00:52:34+मायक्रो न्यूट्रिएंट ६०ग्रॅम फवारणी करावी.
7. बोंडे लवकर फुटण्यासाठी 00:00:50 100 ग्रॅम+मायक्रो न्यूट्रिएंट 60 ग्रॅम प्रमाणे प्रती 15 लिटर प्रमाणे फवारणी करावी.

राशी 659 ची (rasi 659 cotton seed) उत्पादन क्षमता –

rasi 659 या वाणामुळे आपल्याला एकरी 12 ते 15 क्विंटल पर्यंत उत्पन्न मिळू शकते.

राशी 659 किंमत | rasi 659 cotton seed price –

बाजारामध्ये राशी 659 या वाणाची किंमत प्रति बॅग 800 ते 850 रुपये आहे.

Conclusion | सारांश-

शेतकरी मित्रांनो आशा करतो की तुम्हाला Krushi Doctor वेबसाइट वरील राशी 659 या वाणाबद्दल माहिती नक्कीच यंदाच्या खरीप हंगामामध्ये तुमच्या उपयोगी येईल. ही माहिती जर तुम्हाला आवडली तर नक्कीच तुमच्या इतर शेतकरी ग्रुप मध्ये शेयर नक्की करा. आणि कापूस पिकाबद्दल इतर कोणतीही माहिती तुम्हाला जाणून घ्यायची असेल तर आमच्या Krushi Doctor Sheti Mahiti या पेज ला नक्की भेट द्या.

तुमचा विश्वासू
कृषि डॉक्टर सूर्यकांत